img +374 10 341 774
info@pog.am
img Հայաստան, 0078, Երևան, Մարգարյան փող., 6/2 շենք (Աջափնյակ վարչ. շրջան)
  • Հետևեք մեզ :
ՎԱՊՄԳՀԻ-ը ծննդօգնության այն հիմնարկներից է, որտեղ ընդունվում են որևէ հիվանդությամբ և հղիության հետ կապված բարդություններով հղիներ, ծննդաբերներ և ծննդկաններ, ինչպես նաև թարախասեպտիկ մանկաբարձական և գինեկոլոգիական ծանր հիվանդներ: Ինստիտուտը սպասարկում է նաև Արցախից և Ջավախքից ուղեգրված բարդացած հղիներին, ծննդաբերներին և գինեկոլոգիական պրոֆիլի հիվանդներին:

Բուժաշխատողների ընդհանուր թիվը 345 է՝ 85  բժիշկ և 120 միջին բուժաշխատող:

ՎԱՊՄԳՀԻ-ի աշխատակիցների կողմից գրվել են մայրենի լեզվով հրատարակված բոլոր դասագրքերը, մենագրություններն ու ուղեցույցները, մշակվել է Վերարտադրողական առողջություն օրենքը և Վերարտադրողական առողջության բարելավման ազգային ծրագիրը, բազմաթիվ նորմատիվ փաստաթղթեր և ծրագրեր:

Ինստտուտը Երևանի պետական բժշկական համալսարանի հիմնական բազան է, որտեղ ուսանում են ինչպես տեղացի, այնպես էլ օտարերկրյա ուսանողներ /Հնդկաստան, Իրան, Վրաստան, Սիրիա, Լիբանան, Ռուսաստանի Դաշնություն և այլն/, ստանալով նախա- և հետդիպլոմային կրթություն:

Կենտրոնում իրականացվում են հղիության ընթացքում պտղի զարգացման ուսումնասիրության նոր , ինչպես նաև աճի դանդաղման և ներարգանդային կյանքում պտղի զարգացման հիվանդությունների ժամանակակից ախտորոշման և բուժման մեթոդները:

Կենտրոնը հագեցած է նախածննդյան շրջանում ախտորոշման ժամանակակից մեթոդներով և հնարավորություններով՝ պտղի աճի զարգացման դինամիկան , սրտի աշխատանքը կարդիոտախոգրամմայի և դոպլերոֆլյուսոմետրիայի օգնությամբ ստուգելու համար:

Իրականացվում է հետազոտում վերարտադրողական օրգանների նախաքաղցկեղային հիվանդությունների վաղ ախտորոշման համար:

Սերմնավորման և բեղնավորման  բաժանմունքը  հագեցած է նոր սերնդի ժամանակակից սարքավորումներով և նոր տեխնոլոգիաներով ախտորոշման համար: Արհեստական բեղմնավորումը կատարվում է արտերկրի փորձված մասնագետների հետ համատեղ:

Հատուկ նորագույն սարքավորումների օգնությամբ հետազոտվում և բուժվում են անպտղությամբ տառապող զույգերը:

Բոլոր տեսակի գինեկոլոգիական հիվանդությունների՝ տարբեր վիրուսների, իջվածքների, ինչպես նաև անպտղությամբ տառապողների բուժումը կատարվում է ժամանակակից մեթոդներով: Ինստիտուտում պարբերաբար աշխատում են արտերկրից հրավիրված մասնագետներ՝ Ֆրանսիա, Գերմանիա, Իտալիա:

Ամենաարդիականը լապարաոկոպիկ մեթոդի կիրառումն է  ինստիտուտում:

Նորագույն խնամք է ցուցաբերվում նորածիններին: Հատուկ ուշադրության են արժանի անհաս նորածինների հսկողությունը, տարբեր տեսակի հիվանդությունների սկրինինգները  և  ռետինոպատիաների բուժումը՝ նոր ներդրված լազերային մեթոդի օգնությամբ:

Ցածր և բարձր ռիսկի խմբի հղիների և ծննդաբերությունների վարումն իրականացվում է առողջապահության համաշխարհային կազմակերպության նոր մոտեցումներով. բուժումն  իրականացվում է ապացուցողական բժշկությունը պերինատոլոգիայում սկզբունքով: